雙藍會車仔大起愛華頓

2018-11-11 10:02 来源:滚球网

今晚英超爆發「雙藍會」,「2哥」車路士主場火併「拖肥糖」愛華頓。車仔王牌夏薩特已經傷愈復出,敗家仔艾華路莫拉達亦重拾射門鞋,不過「拖肥糖」前鋒李察利臣同樣弗爆,鬥攻格局捧中位數2.5球入球大更佳。

(Now 621周日晚10時15分直播)

夏薩特復出火力更猛
連埋上場聯賽贏水晶宮3比1在內,車仔新帥沙利喺首11輪英超取得8勝3和,追平咗前諾定咸森林主帥法蘭克奇勒喺1994年所創、首度帶隊出戰英超頭11輪未輸過嘅紀錄,今場只要唔輸即可刷新紀錄。之前受背傷困擾嘅車仔王牌夏薩特,喺上周中歐霸贏巴迪已經復出,沙Sir仲喺下半場中段換走佢,擺明錫住呢位球星留力今場。而箭頭基奧特喺對巴迪一箭定江山,自今年5月之後首度入波,勢必激起另一前鋒艾華路莫拉達嘅戰意,呢位早前堅敗家嘅西班牙射手,近4場聯賽入4粒,重拾信心,眼見基奧特打破入球荒,佢為保正選位必定落多幾錢肉緊爭士哥。

愛華頓主帥馬高施華一向崇尚進攻,巴西前鋒李察利臣自刑滿復出,近4場聯賽共入3粒,現時喺聯賽有6球進帳,位居射手榜前列。不過「拖肥糖」今季5場聯賽作客場場都有失波,共失9粒,其中4次開3球或以上,防線唔多穩陣,而車仔近4場聯賽狂轟12粒,相信今場大家都會踢得幾開放,入球大穩開。