周四淩晨國際熱身賽，瑞士將會主場迎戰卡塔爾。為備戰歐國聯嘅瑞士，近期主場走勢唔錯，尤其開波初段就積極搶攻，呢場喺自家球迷面前面對實力欠奉嘅卡塔爾，有力先拔頭籌，睇好佢哋半場贏住入更衣室，半場主勝捧得過。
（有線602及662台周四淩晨2時直播）
現時世界排名高踞第8嘅瑞士，為爭入歐國聯4強，嚟緊仲要喺A2組，同勁敵比利時喺分組賽最後煞科戰決一高下，為備戰關鍵賽事，呢場友誼賽搵嚟卡塔爾練兵，瑞士肯定希望踢出士氣波，以最佳狀態面對比利時。尤其陣中兩位效力英超勁旅嘅主力梳頓沙基利同格列沙加，今季各自都交出水準表現，有望將好腳頭帶到國家隊。
卡塔爾級數差好遠
另一邊廂，中亞球隊卡塔爾同樣都積極備戰緊來年嘅亞洲盃，西班牙籍領隊山齊士今次召入多位國內聯賽勁旅艾薩德球員，包括攻擊手艾菲夫同艾哈杜斯等人，可惜世界排名得96位嘅卡塔爾，整體實力明顯同由歐洲一流球隊主力組成嘅瑞士有好大差距，呢場作客隨時一開波就陷入被動。加上瑞士近期主場出擊開局氣勢如虹，近6仗主場有5次半場就取得領先優勢，呢場絕對有力再搶韁，半場主勝唔好錯過。