聽朝美職季後賽爆發東西岸決賽首回合，東岸阿特蘭大聯主場挑戰常規賽「1哥」紐約紅牛，阿特蘭大聯近年交手畀紅牛食住，季後賽經驗亦唔及對手，紅牛受讓堅筍，讓球客勝咪走寶。
（Now 638、有線654及614台周一早上6時直播）
伐木者主場夠殺肯體會
阿特蘭大聯常規賽攻入70球，火力屬美職最強，不過就失44球，明顯攻強守弱；紅牛連續9季殺入季後賽，經驗贏晒，加上近4次交手獲3勝1和，格食格下受讓必捧讓球客勝。
西岸決賽首回合，常規賽「5哥」波特蘭伐木者主場硬撼「1哥」肯薩斯體育會。伐木者快翼施巴斯坦白蘭高近7場轟6粒腳風極順，佢哋主場威力唔講笑，近6次主場豪取5勝1和。肯體會貴為西岸「1哥」，惟近期作客表現下滑，未必頂得住伐木者猛攻，平手盤撐主隊坐和望贏。
（Now 638、有線654及614台周一早上8時30分直播）