另一場16強次回合，曼城主場再鬥史浩克04。曼城雖然3線作賽，但球隊冇回落迹象，源於中前場球員輸流發威，阿古路入唔到波就有史達寧，唔好忘記仲有利萊辛尼同馬列斯，炮台多亦造就早開紀錄，曼城今屆7場歐聯6次半場開大，包括首回合對史浩克，相信今場都係半場就發動，中位數1.5球半場大值博。
（Now 643、有線616及656台周三凌晨4時直播）
曼城首回合作客雖以3比2贏波，但過程絕不輕鬆，除了半場一度落後1比2，中堅奧達文迪換邊後領紅牌更陷入苦戰，如非史浩克球員缺乏經驗太過心雄，曼城未必能夠喺末段連入2球反敗為勝。曼城今場有中堅奧達文迪及防中費蘭甸奴停賽，為免防線進一步受壓，相信領隊哥迪奧拿唔會夾硬改變踢法縮得太後，照樣用番球隊風格，以攻代守。
被睇低一線嘅史浩克首回04合能夠喺曼城身上攻入2球，表現已有交代，如今僅以1球落後，預計可拋開心理包袱放膽搶攻。曼城今屆7場歐聯6次半場開大，而佢哋近5場歐聯主場只有1場保持清白身，當中3次換邊前已失守，史浩克04睇過之前阿積士同曼聯首回合落後都可以晉級嘅奇迹，絕對可以放手一博，今場相信好早會開紀錄，1.5球半場大好路。