球星晒冷主場搏殺
周五凌晨歐洲國家盃外圍賽首輪重頭戲，I組賽事將會上演比利時主場火併俄羅斯。未能喺早前歐國聯搶得附加賽資格嘅「歐洲紅魔」比利時，出戰歐國外唔敢怠慢，今場徵召多位頂尖攻擊好手壓陣，進攻火力有保證，主場出擊肯定搶韁力求盡快打破悶局，1.69倍半場主勝值博。
（有線601及661台周五凌晨3時45分直播）
比利時早前喺歐國聯A2組尾場一時大意，結果爆冷被瑞士擊敗，痛失首名出線席位之餘，更失掉附加賽資格；吸取教訓，今次「歐洲紅魔」出戰歐國外肯定唔敢輕敵，其中幾位球壇星將包括夏薩特、巴舒亞伊及梅頓斯等進攻好手皆悉數入選，前場攻擊火力絕對唔講得笑。「歐洲紅魔」上年世盃搶得季軍表現獲得肯定，不過翻查歷史，原來自1974年之後，除了德國「免疫」外，其餘取得世盃第3名嘅歐洲球隊，均未能殺入兩年後嘅歐國盃決賽周，今次比利時為打破魔咒肯定搏盡。
俄軍離開主場大跌Watt
俄羅斯上年食住主場優勢，喺世盃決賽周打出代表作闖入8強，表現令人眼前一亮；不過世盃過後冇咗主場球迷撐場，俄軍表現明顯回落，近4場僅取1勝1和2負，當中有3仗都食白果，今次作客出戰更難挑戰比利時。加上比利時近4次面對俄羅斯取3勝1和優勢明顯，擺明格食格，當中3次半場就帶住領先優勢入更衣室，今場為免夜場夢多，比利時肯定希望早早搶得比賽主動權，半場主勝值得再追。