球王美斯重披藍白戰衣第一戰！阿根廷將於西班牙馬德里中立場同委內瑞拉上演熱身賽。美斯復出為6月舉行嘅美洲盃備戰，阿根廷有球王眷顧攻擊力即刻高幾瓣，呢場勢同對手演入球騷，大盤唔好錯過。（周六凌晨4時開賽）
上年世盃阿根廷16強輸畀法國被淘汰，美斯經歷無數次失敗難免令人意志消沉，繼2016年後再度淡出國家隊，今次出山回歸，可見佢依然心繫國家隊。新帥史卡朗尼召入的30人名單中，僅有8人係上年世盃成員，志在試用新人，其中里安度柏利迪斯和盧施素等後起之秀有望組成全新中場，為美斯分擔組織重責，只要球王可以專注進攻，阿根廷火力有保證。
委內瑞拉搶攻慰國民
委內瑞拉國內雖然正飽受政治動蕩，不過熱愛足球嘅南美人點會放棄睇好波嘅機會，球員為咗令國民暫時忘記殘酷嘅社會現狀，一定希望入多幾球波，藉好表現將歡樂帶畀球迷。
委內瑞拉陣中除咗效力英超紐卡素嘅前鋒荷西朗頓之外，仲有上季打破美職單季入球紀錄嘅神射手祖斯夫馬天尼斯。兩隊近4次碰頭，就有3次開3球或以上，呢場隨時再鬥攻。