巴西轟爆委內瑞拉

2019-06-18 10:28 来源:滚球网

強搶首名走靚線
周三早上美洲盃A組次輪賽事,東道主巴西乘勇再度出擊,迎戰委內瑞拉。「森巴兵團」今屆劍指冠軍,若順利取得小組首名出線資格,走線形勢將非常有利,尼馬缺陣無損巴西攻力,菲臘比古天奴於揭幕戰梅開二度,今屆孭重飛誓踢爭氣波,撞正「私房菜」委內瑞拉,讓球盤要讓到兩球,照捧上盤!

(Now 650周三早上8時30分直播)

自2007年後未嘗美洲盃冠軍滋味嘅巴西,今屆作為東道主,國民對國家隊奪冠絕對係寄予厚望,因為最近4次巴西做主辦國,全部都成為盟主。巴西身處嘅A組對手實力偏弱,首輪面對玻利維亞,上半場雖然咬唔入對手,但下半場打破缺口後愈踢愈順,清風送爽下大勝3比0,現時手執3分,若取得首名出線的話,巴西就會喺上線作戰,8強只係對B組或C組第3名,去到4強亦僅對A組或B組次名,殺入決賽難度相對較易,佢哋今場只要贏波就好大機會獲得首名,絕不會放鬆。

古天奴孭飛夠爭氣
今屆賽事開波前,巴西雖有王牌尼馬因傷退隊,但由菲臘比古天奴肩負領軍重任後,一樣收到唔錯效果,呢位巴塞中場喺球會表現欠佳飽受批評,首輪終一吐烏氣助攻助守兼夾梅開二度,配合加比爾捷西斯、大衞拿尼斯及李察利臣等鋒將,火力可靠。

委軍平庸反撲乏力
委內瑞拉大部分球員只係喺中北美洲或歐洲低水平聯賽效力,紐卡素箭頭荷西朗頓已經叫最具名氣,整體實力唔夠班,首輪對秘魯全場處於劣勢下,只能穩守悶和對手,反撲乏力。事實上委內瑞拉對住巴西都係捱打,近12次交手「森巴兵團」合共取得9勝2和1負,9場勝仗當中有8場贏2球或以上,今場仲有大批主場球迷打氣助威,大炒委內瑞拉係分內事,上盤讓兩球係信心表現,絕對捧得過。