C朗紮住上葡萄牙焗獻細

2019-11-14 09:25 来源:滚球网

今晚歐國外B組強弱懸殊之戰,由「2哥」葡萄牙主場迎戰包尾嘅立陶宛。葡萄牙王牌C朗有傷在身,而且於主場面對死守球隊,經常老鼠拉龜冇碇埋手,相信今仗又煲魚生粥僅僅熟,轉捧3.5球嘅入球細。

(有線604及603台周五凌晨3時45分直播)

葡萄牙上輪爆冷輸畀榜首烏克蘭,令後者提早出線,依家葡軍仍領先「3哥」塞爾維亞1分,只要餘下兩輪贏晒,就毋須理會對手肯定晉級。呢支上屆盟主雖有C朗助陣,弊在這名祖雲達斯射手因膝部有傷,上仗聯賽對AC米蘭,因安全起見被提早換出,事實上佢近5仗入1球,明顯狀態麻麻,加埋「新C朗」祖奧菲歷斯及干卡路古亞迪斯更因傷落選,甚至要重召久未入選嘅中鋒艾達盧比斯,唔多靠得住喎。

立陶宛擺鐵桶死守
立陶宛今屆歐國外7戰僅得1和6負,於B組排包尾,其中近5仗全敗,毫無還手之力。不過葡萄牙一向靠C朗單天保至尊,若果佢冇態必令攻力大打折扣,尤其是主場面對龜縮球隊,總係缺少破鐵桶陣板斧,連同上屆在內,近7次歐國外主場出擊,只入8球,全開3球或以下,包括上次主場只贏弱旅盧森堡3:0,預計今仗都係小勝格局,捧3.5球嘅細盤更上算。