英格蘭開山玩大佢

2019-11-14 09:22 来源:滚球网

火力猛主場唔會縮
周五凌晨歐國外A組焦點戰,英格蘭將會主場迎戰黑山。「三獅軍團」今場只要打和即可出線,不過英格蘭今屆歐國外火力咁猛,仲要主場出擊,點會貿然改變一貫進取嘅踢法?呢場肯定繼續狂攻,中位數3.5球入球大值博。

(有線601及661台周五凌晨3時45分直播)

英格蘭歐國盃決賽周資格爭奪進入最後直路前,爆出史達寧同祖高美斯因球會比賽中結怨後,喺訓練基地開拖嘅醜聞,為息事寧人,領隊修夫基隨即將史達寧剔除於大軍名單之外,呢場對黑山唔使預佢。

好彩近年人才輩出嘅英格蘭,就算冇呢位曼城攻擊手在陣,修夫基手上都仲有唔少靚牌可以出,其中「福仔」拉舒福特同查頓辛祖個人能力同鬥志都絕佳,搭住隊長兼箭球哈利卡尼組成進攻三叉戟,足以令黑山後衞聞風喪膽。

黑山質素平平冇得鍊
今屆歐國外7戰僅取3和4負嘅黑山,表現認真麻麻,已經無緣進身決賽周。陣中稍有名氣嘅中場主力尼高拉胡錫域,喺西甲中游班利雲特都唔係必然正選,整體質素可見一斑。況且英格蘭今屆6戰狂轟26球,其中5次開4球或以上,包括首循環5比1大挫黑山,今場照辦煮碗,主場英軍擁躉隨時又有得睇入球騷。