臨近國際賽周，今晚賽事特別少，但阿King一樣搵到好嘢，重心法乙獨腳戲羅德茲於中立場對朗斯。朗斯雖然排名較高，但近期啞火頻食白果，今仗在圖盧茲巿政球場對上羅德茲，預料悶戰居多，入波唔慌多，中位數2.5球入球細玩得過。（周二凌晨3時45分開賽，馬會網上文字直播）
今季升班嘅羅德茲，近況認真麻麻，近6仗聯賽輸4場，而且前鋒波利斯馬菲斯狀態一般，難怪其中4場總入球開2球或以下，今仗遇強會先做好防守。朗斯雖然位居前列，上仗更勇挫「1哥」羅連安特，不過佢哋近3場聯賽入得1粒，就係贏羅連安特嗰球，3場全開2球或以下，新加盟嘅前鋒蘇度卡仍然冇貨交，中場加爾坦洛比爾因傷今仗上陣成疑，火力進一步受削弱，係可勝不穩格局，寧捧入球細。
奧厄硬淨受讓抵玩
至於德乙卡爾斯魯厄主場對奧厄，卡軍係聯賽和波王之一，開季12場和咗6場，比率達5成，而且全部都發生喺近6仗，聯賽6連和即係代表佢哋近期唔識贏波，面對近5仗聯賽僅1敗嘅奧厄，卡軍實在欠缺讓波本錢，必捧受讓嘅奧厄。最後係巴甲，保地花高主場對艾華爾，保地花高近17場聯賽贏得3仗，淪落尾4跌入降班區，為護級不容再失，今輪撞正包尾大幡、近7仗聯賽全敗嘅艾華爾，絕對係搶分好機會，主勝有買趁早。