周六凌晨英超獨腳戲，錫菲聯主場鬥韋斯咸，又等阿King度條過關好路。「錘仔幫」揾番莫耶斯執教之後，頻頻踢出爭氣，尤其後防表現有改善，不過新升班嘅錫菲聯絕非善男信女，踢法夠硬淨，兩軍戰況隨時膠着，中位數2.5球細係投注首選。
（Now 621周六凌晨4時直播）
韋斯咸前主帥比歷連尼未能帶領球隊更上一層樓，最終冇得留底都無可厚非，而莫耶斯呢次二進宮，都係希望以穩定軍心為主要目標，令呢支倫敦球隊可以重返正軌，勢估唔到上任首戰「錘仔幫」眾將就大踢爭氣波擊敗般尼茅夫，强勢反彈。不過韋斯咸作客球風明顯保守，近5場作客4次開2球或以下，攻力不值得高估。況且新升班嘅錫菲聯近6仗僅以0比2分別輸過畀曼城同利物浦兩強，其中5次開2球或以下，防守能力有保證，有力抵擋韋斯咸攻勢，中位數2.5球值博。
串悉尼上盤勒芒半和
早場澳職紐卡素噴射機主場迎戰FC悉尼，噴射機啱啱辭退主帥摩力克，由女子隊主帥奇治迪恩斯同助教李強出任看守領隊，球隊動蕩不安，難向1哥FC悉尼搶分。（myTV Gold 302、Now 639、有線615及655台周五下午4時30分直播）法乙勒芒對歐塞爾，歐塞爾今季作客開局慢熱，9次聯賽作客上半場都冇波入，其中近4次都同對手打和，半場和值得再追。