禾堡叉足電翻身大作戰

歐霸盃16強次回合，烏克蘭班霸薩克達再鬥德甲球隊禾夫斯堡。首回合輸1比2嘅禾堡，為收復失地今場焗攻，好彩佢哋聯賽收咧後叉足電，有望以較佳狀態博翻身，預料今場入波唔會少，捧中位數2.5球入球大啱數。

（myTV Gold 303、Now 643、有線656及616台周四凌晨零時55分直播）

禾堡德甲重開後9戰4勝1和4負，最終以第7名過終點，表現唔錯，而且德甲早於6月底煞科，比起烏克蘭聯賽喺7月底先結束，禾堡有超過1個月時間調整，養精蓄銳有望以較佳狀態爭取士哥博反勝。

薩克達歐戰旺開大
由歐聯降格轉戰歐霸嘅薩克達，喺歐聯分組賽僅以1分落後阿特蘭大排小組第3，戰力有番咁上下。若論狀態，薩克達自烏克蘭聯賽5月底重開後，9場獲7勝2和，最終以23分優勢領先次席嘅基輔戴拿模封王，為爭出線絕對唔會坐以待斃，既然佢哋連同歐聯在內，對上9場歐洲賽有8次開3球或以上，捧2.5球大啱數。