前鋒弗到漏作客捉鹿

2020-08-05 09:49 来源:滚球网

今晚日聯盃分組賽次輪開打,A組重頭戲鹿島鹿角主場鬥川崎前鋒。鹿角表現今非昔比,主場威力欠奉,相反前鋒弗到爆廠,聯賽同盃賽連場報捷,加上近年交手食住鹿角,直取客勝。

(周三晚6時開賽)

鹿角防線不穩
上季聯賽獲季軍嘅鹿角,今季演出大跌Watt,連同停擺前在內,聯賽連盃賽頭7仗輸6場,包括日聯盃首輪不敵名古屋鯨魚,近期雖然略見起色,曾擊敗上季聯賽盟主橫濱水手,但主因係對手同樣失準。值得留意嘅係,鹿角今季3次主場出擊贏得1場咁大把,而且合計全部9場賽事,冇1場能保持清白之身,防線不穩導致戰績令人失望。

作客嘅前鋒今季如猛虎出柙,連盃賽在內,開季9場豪取8勝1和驕人佳績,其中近7仗更全部贏晒,主力小林悠保持射手本色,各項賽事已有6球進帳,包括日聯盃首輪大勝清水心跳5比1之役梅開二度,夥拍李安度達美奧,火力全開。兩隊狀態一高一低,近4次交鋒前鋒亦獲3勝1和,明顯格食格,必趁鹿角頹勢踩多腳,寧買當頭起,客勝有買趁早。