重現魔性嘅曼聯主場迎戰哈特斯菲爾德，曼聯喺看守領隊蘇斯克查帶領下，上周聯賽作客大炒卡迪夫城5比1，之前同摩連奴唔咬弦成日被貶後備嘅保羅普巴，獲重新信任後表現生猛，配合埋蘇斯克查進攻嘅理念，全隊踢嚟侵略性十足，上場3分鐘就開紀錄，今仗對住同卡迪夫城同級球隊哈特斯菲爾德，喺主場球迷打氣之下，又可以食個聖誕快餐，必捧1.55倍半場主勝。
（Now 623周三晚11時直播）
曼聯早前怒炒「寸王」摩連奴，委任「蘇B」蘇斯克查領軍至季尾，這位昔日「紅魔殺手」有極高威望，亦深明摩佬與球員關係欠佳以及泊大巴戰術趕客，甫上任就作出適當改變，以主攻代替穩陣戰術，大勝卡迪夫城之後亦將功勞歸功晒球員，不論更衣室、球迷、輿論及球會高層，都對蘇斯克查推崇備至。
哈特斯菲爾德慣早失守
蘇斯克查教波功力好唔好，當然唔可以用一場勝仗就下定論，但趁住個勢旺，返到奧脫福比賽，撞正弱旅梗係執多3分啦。哈特斯菲爾德狀態差勁，之前5場聯賽全敗，更弊嘅係哈軍遇強即腳軟，今季聯賽5次出戰Big6球隊全敗，4次在換邊前已失守，由頭輸到尾，今場造訪「紅魔」凶多吉少，主勝賠率乏味，捧半場主勝45分鐘收錢啦！