報紙見報的時候，白頭沈的大兒子身處英國默西塞德郡，今晚他更會到晏菲路球場，支持愛隊利物浦取得英超時代首個聯賽冠軍。白頭沈問兒子，形勢麻麻咋喎，唔等歐聯決賽先去？佢就話等聯賽冠軍等咗廿幾年，點可以唔支持，話唔定會好似歐聯4強咁有奇跡出現。
今季利物浦一直在高壓力下比賽，近期連場大戰下，更是傷兵滿營，今晚迎戰巨人殺手狼隊，多位主力都不能上陣。但白頭沈還是與其他利迷一樣，會坐在電視機前，靜候奇跡出現。
其他聯賽方面，巴黎聖日門、祖雲達斯都已奪冠，充斥著例行公事，惟獨葡超雙頭馬車之戰依然異常激烈，兩大宿敵賓菲加與波圖，在尚餘兩隊比賽下只有兩分的差距，今晚兩隊分遇里奧阿維及國民隊，白頭沈建議揀晒賓菲加與波圖兩個上盤。
賓菲加近年向歐洲輸出了不少頂級球員，相信前鋒祖奧菲歷斯會成為下一個。年僅19歲的祖奧菲歷斯，今季上陣41次，取得18個入球及11次助攻，被視為自C朗後最具潛力的葡萄牙國腳。
白頭沈估計，祖奧菲歷斯有機會以五至六千萬歐元的身價，來季加盟曼城。